Премиера на претставата “Доживувањата на Пинокио“ во кавадаречки Дом на култура
Театарот при Домот на културата “Иван Мазов – Климе“ Кавадарци, во четврток на 14 ноември, премиерно ќе ја изведе претставата за деца “Доживувањата на Пинокио“ работена според текстот на Карло Колоди.
Актерите преку игра ќе ја раскажат добро познатата сказна за Мајсторот Џузепе кој што пронашол парче дрво што плаче и се смее како бебе. Тој му го подарил дрвото на мајсторот Ѓепето, кој сакал од дрвото да направи кукла, која ја нарекол Пинокио. Веднаш по изработката, Пинокио оживеал и започнал да прави палавштини. Ова е претстава за доживувањата на Пинокио.
Претставата е во аптација и режија на Микица Илова. Улогите ги толкуваат Арелена Гостимировиќ, Јована Секуловска, Елена Илова, Саше Орешков, Ристе Стојанов, Александар Стојков, Александар Малинков.
Кукли/марионети се изработени од Тамара Стојанова, Ивана Секуловска, Мартина Илиевска, Доменика Митевска, Маја Стојанова, Сара Пејовска.
Суфлер на претставата е Наталија Бојкова.
Костимографија ја подготви Сара Милевска и за потребите од тон/светло ќе се грижи Пепи Ангелов додека сценска поддршка е на Диме Темков и тим на Дом на култура Кавадарци.
Влезници за претставата можат да се резервират на тел.број 075-347-370 исклучиво со СМС порака. Публиката потребно е при купување на влезниците да нагласи, во СМС пораката, за кој ден, за која претстава, на чие име и колку билети купува. Доколку резервацијата е прифатена граѓаните ќе добијат повратен СМС.
Влезници ќе можат да се купат и директно во просториите на Домот на културата, секој работен ден, од 9 до 12 часот. Резервираните влезници по цена од 150 денари се подигаат на билетарница на Домот на културата најдоцна половина час пред почетокот на претставата. Доколку не бидат подигнати половина час пред претставата, ќе бидат пуштени во продажба. Остатокот од влезниците е во продажба на билетарницата два часа пред на почетокот на преставата. Задолжителна влезница за секое дете и родител!
Почетокот на претставата „Доживувањата на Пинокио“ е во 19:00 часот.
Дума.мк
