Во Чеченија секој младоженец добива по 650 евра

9.06.2020

Претседателот на Чеченија, Рамзан Кадиров издвои пари за 207 младоженци кои немаат средства да „купат“ невести поради последиците од карантинот воведен заради вирусот корона, соопшти прес-службата на Духовната управа на муслиманите во Чеченија.

Како што беше најавено, парите од фондот именуван по Ахмад Кадиров, таткото на Рамзан, ќе бидат издвоени за таа намена.

Семејството на младоженецот ќе добие 50.000 рубљи (околу 650 евра) за брак според муслиманските обичаи, кои предвидуваат издвојување одредена сума пари за „откуп“ на невестата. Подоцна, парите се даваат како подарок на невестата.

Во Чеченија, од почетокот на април, црквата забрани бракови заради пандемија на коронавирус. Десетици свадби беа одложени, а за време на карантинот, властите обично добиваа прашања за укинување на забраната за свадба. Од 25 мај, забраната е укината, но ограничувањата за прослави остануваат на сила, бидејќи бројот на луѓе на свадби е ограничен.