Издумани Крлевизми: „Во театарот – живот бидете текстописци, режисери и глумци, а никако гледачи!“
Објавено: 16 октомври, 2026, во 11:25 часот
Афористичарот и сатиричар Атанас Крлевски за читателите на Дума.мк ги сподели најновите 10 афоризми, напишани во изминатава недела:
Добрината е свест и совест. Љубовта е нешто друго.
Комшивката пред неа мечка не гледа, ама ја гледа секоја наша мана.
Новиот ден е бел лист. Исполни го, ама знај дека хартијата трпи сѐ!
Правилно воспитаните деца самите си исполнуваат многу желби.
Не држете се настрана! Ќе застраните.
Во театарот – живот бидете текстописци, режисери и глумци, а никако гледачи!
Ако си се искачил на Олимп, не значи дека си станал Бог.
Хуморот е голем одмор меѓу две сериозности.
Брбливци ми го замолчија талентот.
Модерно време: малку мудри – многу итреци!
Вашиот,
Атанас Крлевски
