Сашо Тасевски реизбран за директор на БЈБ
Објавено: 20 октомври, 2020, во 17:58 часот
20.10.2020
На денешната седница Владата го прифати предлогот на министерот за внатрешни работи Оливер Спасовски, Сашо Тасевски да биде именуван за директор на Бирото за јавна безбедност.
– На денешната седница на Владата го предложив досегашниот директор на Бирото за јавна безбедност, Сашо Тасевски, за нов четиригодишен мандат, при што предлогот беше едногласно усвоен, објави Спасовски на својот фејсбук-профил. Многу е важно во секој момент да ги имаме вистинските луѓе на вистински места, одговорни и чесни луѓе кои доверената раководна позиција ја извршуваат со сериозна одговорност пред граѓаните и државата,му посака Спасовски на реизбраниот директор на Бирото за јавна безбедност.
