Најновото од Готје за оваа сезона

Необични чанти кои привлекуваат внимание се дел од колекцијата пролет – лето 2014 на францускиот моден креатор Жан Пол Готје.

Малите клач чанти, но во цилиндричен облик што потсетува на лименка, се украсени со светлуцави камења и кожа на рептил. За удобноста и практичност при носењето, чантите поседуваат и долги рачки, чија должина може да се регулира.

Се претпоставува дека овој моден додаток ќе биде вистински хит и одличен во речиси секоја модна комбинација. Доколку не експериментирате со облеката и се тип што ги претпочита покласичните варијанти, тогаш оваа чанта е совршен додаток, со кој ќе внесете живост и смелост.