Западно нилскиот вирус нападна во Грција!?

Хоспитализиран е првиот сериозно инфициран со западнонилски вирус во Грција. Како што јавија тамошните медиуми се работи за 77 годишен жител на источна Атика. Тој е во болница заради лекување на централниот нервен систем.

Било потврдено дека инфицираниот  во скоро време не патувал во странство, а развил енцефалитис откако бил заразен од вирусот што го пренесуваат комарци.

Центарот за контрола и превенција на болести води кампања за подигнување на јавната свест за подобра заштита од комарци, кои годинава во Грција се појавија многу порано и во голем број поради невообичаено топлата пролет.