Од гром во Бјеловар тешко повредени две деца на фудбалско игралиште!

Гром удри на фудбалското игралиште во местото Нова Рача, недалеку од Бјеловар, за време на фудбалски јуниорски натпревар. Од ударот тешко се повредени две деца, едното е во животна опасност, јави ХТВ.

Се се случи десет минути откако почна натпреварот. Ударот на молњата предизвика шок и паника а двете деца се тешко повредени. Натпреварот остана во втор план а долго ќе се памети ударот на громот.

Момчето од Брезовица е во стабилна здравствена состојба додека петнаесетгодишното дете од Нова Рача, во кого удри громот, води тешка животна битка во бјеловарската општа болница.

И останатите фудбалерчиња побарале лекарска помош едни од преживеаниот шок други симптоми кои ги почувствувале подоцна.

Ваква случка не памети никој во Бјеловар и околината. Сите се надеваат дека тешко повреденото момче ќе закрепне и повторно ќе заигра фудбал.