Обновено- Кавадарци: Опозицијата ги достави кандидатските листи до ОИК!

Бетиан Китев и официјално е кандидатот на опозицијата со кој “Сојузот за иднината“ ќе се обиде да ја освои градоначалничката позиција на Кавадарци.

Здружената опозиција “Сојуз за иднината“ доцна вечерва, пред истекот на рокот за кандидатски листи ја достави и советничката листа за локалните избори 2013 до Општинската изборна комисија во Кавадарци. Информацијата ни ја потврди и претседателката на ОИК, Марија Јованова. Носител на листата на опозицијата е Зоран Бањански, секретар на ОО на СДСМ Кавадарци. На втората позиција е Роска Коцева,  3. Владимир Клинчаров,  4. Горан Белевски, 5. Сашко Петров, 6. Милица Миткова, 7. Златко Георгиев 8.Наташа Бошковска од “Достоинство“, Деветата позиција е за ВМРО-НП Митко Митковски, 10. Ѓоке Алексаов, 11. Лазар Костов. Останатите осум мина кандидати ќе ги објавиме дополнително.

Вечерва советничка листа до ОИК Кавадарци доставила и Либерална партија. Носител на нивната листа е Живко Јованов. Либералите немаат свој кандидат за градоначалник./ А.Д