Божиќeн ручек за болните од церебрална парализа!
Објавено на 4 јануари, 2013 во 16:23
Повардарската епархија во понеделник на 7 јануари, со божиќен ручек и пакетчиња, ќе ги угости болните од церебрална парализа во Велес. Токму напладне ќе ги отвори вратите на црковно народната кујна во која ќе дојдат деца и возрасни граѓани кои боледуваат од тешката болест.
„Сакаме да ги угостиме овие наши сограѓани на денот кој му е посветен на домот и семејството и да покажеме внимание кон нив и нивните семејства,“ рече Митрополитот Повардарски Агатанѓел.
За децата од здружението ќе биде организирано и дружење на кое ќе присуствуваат и родителите кои вообичаено ги придружуваат.
