Заврши уште едно издание на Макфест: Победник Сара Марковска со “После него“!

Заврши и 27-то издание на Макфест.  Сара Марковска со нејзината песна „После него“ ја понесе титулата победник на ова издание, прво место од публиката во домот на културата Ацо Шопов во Штип. Тамара Тодевска со својата „Готово е “  важеше за најголем фаворит но ја доби втората награда од публиката,  првата од жирито, како и наградата за најдобра интерпретација „Тоше Проески“. Третата награда од публиката и припадна на Биба Додева со нејзината „Сети се штом заврне“.

На годинашново издание на Макфест беа доделени  12 награди и тоа:

– Најслушана песна помеѓу двата фестивала: Јас сум тој – Дарко Илиевски  и Никола Пауновиќ

– Најдобар дебитант – Сара Марковска

– Најдобар сценски настап – Христијан Тодоровски – Кико

– Награда за најдобар текст – Огнен Неделковски за песната „Кога си одиш“ која ја отпеа Иван Раденов

– Наградата „Драган Ѓаконовски – Шпато“ – награда за најдобар аранжман – ја добри Зоран Алексиќ, кој го направи аранжманот за песната „Не ме заслужуваш“ која ја отпеа Виктори

– Наградата „Тоше Проески“ – награда за најдобра интерпретација во рацете на Тамара за изведбата на „Готово“

– Трето место од жири – Александар Белов и Милица Мајсторовиќ и „Пази ме ти“

– Второ место од жири – Соња Кочиќ и „Мојот сон“

– Прво место од жири – Тамара Тодевска и „Готово е“

-Трето место од публика – Биба Додева и „Сети се штом заврне“

– Второ место од публика – Тамара Тодевска и „Готово е“

– Прво место од публика – Сара Марковска и „После него“

Дали навистина публиката во Домот на културата Ацо Шопов во Штип ја изгласа Сара или не, никогаш нема да дознаеме, како и многуте фестивали до сега. Макфест кој важи за еден реномиран фестивал не би требало да биде окарактеризиран со ваква случка. Песната на Тамара „Готово е“ важеше за најголем фаворит, и за само два дена на најголемиот видео портал Youtube достигна гледаност до 25 000 пати, дали тоа треба да значи нешто?!

Добра ноќ и уживајте во победничката песна на Сара Марковска !

{youtube}http://www.youtube.com/watch?v=VkQpfyU7VlY{/youtube}