Во велешка болница девет пациенти на кислородна поддршка
Објавено на 13 јануари, 2022 во 13:22
Дваесет и шест ковид пациенти се лекуваат во ЈЗУ Општа болница Велес од кои 16 се потврдени позитивни, двајца се сомнителни и осум пациенти се со негативен тест но задржани на болничко лекување. Во изминатите 24 часа примени се пет пациенти од кои тројца се префрлени од Интерно Б одделение.
-На Инфективно одделение се лекуваат 20 ковид пациенти и на Интерно Б одделение шест пациенти. Во болница има 30 слободни болнички кревети, соопшти портпаролката на велешка болница, д-р Елена Левкова Ќулумова.
На кислородна поддршка се девет пациенти.
Во изминатото деноноќие од болничко лекување испишани се двајца пациенти.
Стефани Манева
