По петти пат велосипедска тура на Фестивалот на пити и вино
Објавено: 21 октомври, 2018, во 19:57 часот
Патеката долга 47,9 км, за 10 км подолга од изминатите години, возеа денеска околу 300 велосипедисти учесници на турата што се организира по петти пат рамките на Фестивалот на велешка пита и вино.
Стартот беше на плоштад Сармаале.
Велосипедистите од Македонија со гостите од Грција и Украина возаа низ велешките села Раштани, Белештевица, Сопот, Сујаклари и Башино село, ги посетија винариите “Шато Сопот и “Тристо” како и два манастири во Велешкиот регион.
Главна атракција на годинешната тура е возењето со велосипед на дрвен висечки мост.
Крајната цел на велосипедската тура исто така беше плоштад Сармаале.
Спортскиот настан го организираше здружението “Велес Бајкинг” со поддршка на Општина Велес./У.Ј