ЦУК: Вчера 19 пожари на територијата на Македонија
Деветнаесет пожари на отворен простор имало во текот на вчерашниот ден, соопшти Центарот за управување со кризи (ЦУК).
Локализиран е еден пожар во Чешиново – Облешево, во коjшто гори ниска вегетација и нискостеблеста шума. Останатите 18 се изгаснати.
Изгаснати се четири пожари во кумановско и тоа во селата Рамановце, Слупчане, Пчиња и Љубодраг.
Два од пожарите биле во Општина Долнени поточно во селата Дебреште и Кошино, каде што горела сува трева и нискостеблеста деградирана шума.
Според информациите на ЦУК, вчера биле изгаснати пожарите и во селото Радуша, Општина Сарај, во Карпош на улицата „Скупи“, парк шумата во Гази Баба, во селото Трап, Битола, во Општина Могила, во Ресен, во радовишкото село Ораовица, во Кавадарци, во Росоман, во Желино, во Виница и во кичевското село Бериково.
Дума.мк