Ковачевски ја презеде од Заев премиерската функција
Објавено: 17 јануари, 2022, во 10:02 часот
Новоизбраниот претседател на Владата Димитар Ковачевски утрово ги презеде функцијата и кабинетот од досегашниот премиер Зоран Заев.
Примопредавањето на премиерската функција се одржа во Владата.
Во работната агендата на премиерот Димитар Ковачевски уште денеска е средбата со германската министерка за Европа Ана Лирман, а веќе утре ќе се сретне со бугарскиот премиер Кирил Петков.
Новата Влада предводена од Ковачевски беше избрана синоќа во Собранието со 62 гласа „за”, 46 „против” и без воздржани.