Издумани Крлевизми: „Мислеше дека е заштитена мечка. Заврши во кафез.“
Објавено: 5 јуни, 2026, во 09:28 часот
Јасна порака испраќа афористичарот и сатиричар Атанас Крлевски до луѓето кои себе си се сметаат за „недопирливи“, во момент или моменти од животот „кои ги носат на врвот“ токму преку насловниот афоризам „Мислеше дека е заштитена мечка. Заврши во кафез.“, избран од најновите 10 кои се наменети за читателската заедница на Дума.мк.
Ова се неговите преостанати девет афоризми:
„Пробајте да не бидете во право! За проба не се плаќа. “
„Добриот глас на далеку се слуша, ама кратко трае.“
„И кога молчи е карикатура од човек. Карикатура, без зборови.“
„Каков парадокс! Освојувач, со награда за мир!?“
„Победата ја обезбедивме уште пред натправарот, ама се разболе судијата.“
„Се чувствуваше фантастично. Стигна до психијатар.“
„Белката и жолчката остануваат заедно и во кајганата.“
„Плукањето е забрането со закон. Затоа уредникот плука преку новинарите.“
„Екологисти, светов ни е на кислородна поддршка!„
Вашиот,
Атанас Крлевски
