Издумани Крлевизми:„Каде нема сатира, има нешто труло во државата Данска“
Објавено на 7 февруари, 2025 во 09:53
Денешните афоризми за заедницата на читатели на Дума.мк на афористичарот и сатиричар Атанас Крлевски гласат”:
„Ама каков политичар!? Тој е само козметичар на стварноста.“
„Полтрон? Како тоа гордо ползи.“
„Каде нема сатира, има нешто труло во државата Данска.“
„Кога зад магарето се крева прашина, мисли дека е добар коњ.“
„Постојано да се напаѓа е погрешна тактика. Некои играат зад грб.“
„Каде е ѓаволот? Во луѓeто!“
„Писмен е овој народ. Не треба да чита!“
„Комшивката ме покани на слатко. Кафето било горчливо.“
„Секаде служам за пример. Негативен!“
„Започна како препорачан. Заврши како испорачан.“
Вашиот, Атанас Крлевски
Поврзано:
