Коки: „Одненадеш се појави еден добро „поткован“ иии… таа ги дигна нозете“

Со честитки за честит Божиќ, за католичките верници и за среќни новогодишни празници за сите читателите на Дума.мк, афористичарот Никола Бошковски Коки, ги напиша шестте најнови афоризми за последната седмица на оваа 2023 година. Прочитајте ги и препорачајте ги на вашите колеги или членови на семејството, со задолжителни насмевки.

„-Земјата во која сите се прават луди,наликува на еден голем санаториум.

-Власта секогаш си ги решава проблемите: ги вработува определените на неопределено време.

– Одненадеш се појави еден добро”поткован”.иии… таа ги дигна нозете.

-И јас се залагам за воспоставување мир во светот, но понекогаш треба да се „испука” по некој куршум.

-Автомобилот и жената ,можат секогаш непријатно да ве изненадат.

-Со некои протагонистки на боречките вештини,тешко се илегува на крај. Секое излегување скапо чини.“

Срдечни поздрави од

КОКИ