Кавадарчанец нападнал таксист, друг се однесувал агресивно кон полициски службеници

Сектор за внатрешни работи Велес информира дека во текот на вчерашниот ден во Одделение за внатрешни работи Велес биле пријавени три случаи. Првиот бил пријавен, на 1 јануари, во 22:20 часот кога 60 годишен кавадарчанец бил нападнат од А.Н, кого претходно го превезувал со своето такси.

Потоа, два часа по полноќ, на 2 јануари, на улица „7-ми Септември“ во Кавадарци бил приведен четириесет и три годишниот А.Н затоа што се однесувал агресивно кон полициски службеници кои извршувале службени дејствија.

Петнаесет минути по втората пријава, полициски службеници привеле уште двајца кавадарчани, 47 годишниот А.Р и 31 годишниот Т.С. Тие пред угостителски објект во Кавадарци го нарушиле јавниот ред и мир со агресивно однесување.

По документирање на трите настани против сите кавадарчани ќе бидат поднесени соодветни пријави.

Дума.мк