Расте бројот на заболени од грип во Кавадарци!

30 нови заболени од грип се регистрирани во Кавадарци за последната недела.

Вкупниот број на грипозни од почетокот на сезоната на грип досега се искачи на 76 лица. Од Центарот за јавно здравје Кавадарци нагласуваат дека бројот на заболени од грип споредено со истиот период од минатата година е помал и нема потреба кавадарчани да се паничат.

И министерот за здравство Никола Тодоров во изјава за локалната “КТВ“ потенцира дека здравствените власти во земјава се максимално подготвени да се справат со заболените од грип и нема потреба за загриженост. Апелираше граѓаните да ги почитуваат основните препораки за заштита од грип.

“Минатата година во истиот период се евидентирани 89 лица заболени од грип. Вкупниот број кој достигнува 76 заболени од грип.Оваа бројка не е конечна, бидејќи голем број од нив се лекуваат во домашни услови и лекарска помош бараат доколку настанат компликации од грипот“ рече епидемиолог д-р Ристе Јовановски.