Половина час центарот на Кавадарци без струја!
Објавено на 25 јули, 2013 во 08:46
Поради дефект на 10 киловолтен кабел кој со електрична енергија го напојува центарот на Кавадарци, утринава половина час без струјата останаа дуќаните, деловните објекти и домаќинствата во строгиот центар на градот.
Од ЕВН Македонија информираа дека нивни екипи веднаш го лоцирале дефектот. Од резервна точка била пуштена струјата и за половина час е нормализирано електро снабдувањето.
“Сите корисници во моментов имаат струја. Прекинот од половина час беше со цел да се обезбеди снабдување со електрична енергија од резервно место. Нашите екипи сеуште работат на санирање на дефектот на 10 кw кабел, но електроснабдувањето е нормализирано“ рекоа од ЕВН Македонија./ A.Д
Поврзано:
