ВИДЕО: Масимо Савиќ , Кирил Џајковски и вински карневал вечерва во Кавадарци

Уште од пладне во Кавадарци е раздвижено. Денеска е втор ден од стопанско-туристичката и културна манифестација Тиквешки гроздобер. На пладне организаторот приреди забава за најмладите, а вечерва е централниот настан. На градскиот плоштад ќе се одржи карневалската процесија, по што ќе има концерт Масимо Савиќ, кој веќе е пристигнат во Кавадарци. Пред кавадарчани и гостите на грозодберот настап ќе има и Кирил Џајковски.

„Сакам да упатам покана до сите граѓани на Македонија вечерва да дојдат на забава во Кавадарци. Имаме богата музикчка програма и им ветуваме дека ќе си поминат одлично на гроздоберот. Вечерва е и винскиот карневал, а и настапот на големите музички имиња Масимо Савиќ и Кирил Џајковси, а утре ќе настапат “Фрајле“, рече градоначалникот на Кавадарци, Александар Панов. Тој искажа задоволство од големата посетеност. Синоќа рестораните и кафулињата во Кавадарци беа преполни.

{youtube}http://www.youtube.com/watch?v=IvvZ2PdxlK8{/youtube}На годинашниот тиквешки гроздобер учествуват 9 винарии и 2 месни индустрии. На вечерашниот карневал ќе настапат околу 1100 учесници распоредени во 27 карневалски поставки. Покрај домашните поставки на карневалот учествуваат и маски од Струмица, Прилеп, Перник-Бугарија, Птуј-Словенија, Едеса-Воден од Грција, Измир-Турција и Углевик.

Со концертот на ДНК синоќа  во Кавадарци започна тридневното чествување на грозјето и виното. Веднаш потоа следеше дополнително загревање на атмосферата од Хавана Микс од Куба кои допатуваа специјално за гроздоберот. Публиката која беше на градскиот плоштад пееше и заедно со Каролина Гочева која имаше настап на овогодишниот тиквешки гроздобер.

Синоќа беше избрана и винската кралица, Симона Минова, која е заштитно лице на гроздоберот, а вечерва  заедно со градоначалникот ќе кренат здравица за бериќетен гроздобер./А.Д