Кои три улици ќе ги реконструира Општина Чашка со пари на државата?

На јавниот повик за реконструкција на улици во проектот за „Поврзување на локaлни патишта во општините” на Министерството за транспорт и врски, општината, конкурирала со проекти на територијата на Чашка.

Трите проекти се одобрени и за нив општината ќе добие 812 илјади евра. Со овие финансиски средства, до крајот на годината, ќе може да ги реконструира двете улици „Ацо Шопов“ и „Коста Кирков“ во Чашка како и една улица во село Мелница.  

Средствата за реконструкција на конкретните улици се обезбедени од Владата на Република Северна Македонија, преку проектот за подобрување на локалните улици и патишта кој е со вкупна вредност од 70 милиони евра.

„Целта е подобрување на урбаното живење во рамки на општините заради локален економски развој и подобрување на животот на граѓаните,“ соопштија од Министерството за транспорт и врски.

Убавка Јаневска