Приведени двајца мажи во Градско, украле повеќе предмети од викендица во близина на локалитет Стоби
Објавено на 25 јуни, 2024 во 11:36
Полициски службеници од СВР Велес, вчера, во 17:50 часот, во Градско, во близина на локалитет Стоби ги лишеле од слобода четириесет годишниот Е.С и осум години помладиот Н.А двајцата од Прилеп.
Тие од викендица којашто се наоѓала во близина на локалитет Стоби, во сопственост на шеесет и едно годишниот С.С од Скопје одзеле повеќе предмети кои подоцна биле пронајдени и вратени на сопственикот.
-При извршениот преглед кај Е.С. биле пронајдени и одземени и фалсификувани банкноти. Н.А. и
Е.С. се задржани во полициска станица, известен е јавен обвинител, пишува во дневниот билтен на СВР Велес.
По документирање на настанот против нив ќе биде поднесена соодветна пријава.
Дума.мк
Поврзано:
