Се запалил шлепер цистерна на автопатот Велес – Градско, велешките пожарникари со брза интервенција
Објавено на 9 април, 2024 во 11:34
Брзата интервенција на пожарникарите од Територијалната против пожарна единица Велес спрелича експлозија на цистерната којашто утрово се запалила на автопатот Велес – Градско.
Како што соопштуваат од ТППЕ Велес, дојава за запалениот шлепер цистерна во близина на бензиската „Дади Компани“ добиле во 09:08 часот по што веднаш се упатиле кон местото.
-Со две против пожарни возила и пет пожарникари веднаш излеговме на лице место. По пристигнување пристапено беше кон гаснење на пожарот и со брзото пристигнување но и брзата итервенција не дојде до експлозија на цистерната, велат од ТППЕ Велес.
Оттаму апелираат доколку граѓаните забележат пожар веднаш да се јават на бесплатните телефонски броеви 112 или 193.
Дума.мк
Поврзано:
