Тепачка помеѓу двајца братучеди во Велес, еден од нив со сериозни повреди

За време на продолжениот викенд во Сектор за внатрешни работи Велес било пријавено дека на 31 јули, недела, околу 23:00 часот настанала тепачка помеѓу двајца братучеди. Педесет и шест годишната И.Р во СВР Велес пријавила дека во дворот на нејзината куќа настанала расправија помеѓу нејзиниот триесет и седум годишен син Д.Р и неготвиот братучед О.Р (41). Во тепачката О.Р со дрвен предмет го нападнал Д.Р и му нанел тешки телесни повреди констатирани во велешката болница.

– Од страна на Итна медицинска помош, на први август, беше донесено лице во неконтактибилна состојба со повреда на глава. Поради сериозноста на повредите пациентот е препратен на Клиника за Неврохирургија, соопшти Д-р Елеонора Јованова, портпарол на ЈЗУ Општа болница Велес.

Од Сектор за внатрешни работи Велес соопштија дека се работи на расчистување на случајот.

Стефани Манева