Успешна првата традиционална крводарителска акција во Градско

Седумдесет и три крвни единици биле собрани на традиционалната крводарителска акција којашто се одржа во просториите на Дом на култура Крсте Петков Мисирков во Градско. Од велешки Црвен крст соопштија дека граѓаните во Градско ја докажаа својата хуманост.

-Шестмина од дарителите даруваа за прв пат. Акцијата заеднички ја реализиравме со Институтот за трансфузиона медицина од Скопје помогнати од Општина Градско. Во реализацијата директно беа вклучени шестмина волонтери од Основната организација на Црвен крст од Градско, соопштија од Црвен крст Велес.

Инаку ова е прва крводарителска акција од вкупно три коишто во 2024 година ќе се одржат во Градско.

Стефани Манева