Граѓаните го избираат петиот Претседател на државата и осмиот состав на македонското Собрание
Во Велес се гласа на 84 избирачки места, а право на глас според избирачкиот список се очекува да го остварат 46.548 граѓани на претседателските и 46444 за парламентарните избори. Според информациите од претседателката на ОИК Велес, Емилија Андоновска ОИК добила 546 барања од болни и немоќни лица.
Денеска во Кавадарци се отворени 60 гласачки места, а правото на глас ќе го искористат 32.381 избирач евидентирани во единствениот избирачки список за претседателските избори и 32264 граѓани за предвремените парламентарни. Според информациите од претседателската на ОИК Кавадарци, Марија Јованова во текот на вчерашниот ден право на глас имале 243 болни и немоќни лица. Гласањето поминало без проблеми.
Во Неготино 16.005 граѓани се со право на глас за вториот круг на пртеседателските и 15990 за парламентарните избори. Неготинци ќе гласат на 28 избирачки места. Во текот на вчерашниот ден според ОИК Неготино имале 145 болни и немоќни лица.
На десет избирачки места во Росоман, се очекува правото на глас да го остварат 3375 граѓани за претседателските и 3360 за парламентарните избори.
3421 е бројот на евидентирани гласачи за избор на претседател, а 3413 за избор на парламентарци во општина Демир Капија. Таму ќе бидат отворени 11 гласачки места. Правото на глас го оствариле и 41 болни и немоќни лица, информира претседателот на ОИК Младен Петров.
Во Градско се евидентирани 3137 граѓани за избор на шеф на државата, а 3129 за избор на пратеници на вкупно 11 гласачки места.
Во Свети Николе денеска гласаат на 35 избирачки места, 15.039 граѓани за претседател и 14980 за пратеници. Вчера им било одобрено да гласаат 225 болни и немоќни лица.
2123 граѓани со право на глас се очекува да гласаат во општина Лозово за претседателските и 2126 за парламентарните избори. Таму ќе се гласа на 9 избирачки места информира претседателот на ОИК Јоско Коцевски.
Во општина Чашка пак, за претседател ќе гласаат 5838 граѓани на 29 избирачки места./A.Д
