Се излизга автомобил на патот кај велешката депонија за смет, повредени двајца патници
13.02.2021
На делницата Велес – Штип, над месноста викана Ѓубриште заради лизгавост и мраз на коловозот се случи сообраќајна незгода.
Возило „фијат добло“ се излизга на патот во 15:07 минути кое повредени се двајца патници, сопружници од Бузалково. Тие се здобиле со телесни повреди.
Патниците се враќале од Штип и поради лизгавиот коловоз, на кој немало фрлено сол, возилото се превртело.
Ним прва помош им дала екипа на Итна помош.
-Пациентите имаа повеќе полесни повреди на глава и раце. По помошта што им ја укажавме и поради понатамошни испитувања ги пренесовме Хируршко одделение во Општа болница Велес, рече д-р Јадранка Мишкова дежурен лекар во Итна помош.
Според д-р Елеонора Јованова, портпаролка на Општа болница Велес, пациентите се примени во 15:30 часот. Маж на возраст од 63 години и една година помлада жена. По направените прегледи кај нив се констатирани полесни телесни повреди. Сепак се задржани на болничко лекување поради набљудување.
Убавка Јаневска
![](https://duma.mk/wp-content/uploads/2021/05/SEMM.jpg)