Велешката Гимназија со нов начин на промоција на гимназиското образование

Часот по информатика во основното училиште Блаже Коневски, денеска, го одржаа две професорки Маја Ржарова и Гордана Саздова. Ржарова е професор во основното а Саздова во средното училиште „Гимназија Кочо Рацин“. Тие на учениците им предаваа градиво поврзано со компјутерските програми. Часот беше интерактивен, учениците прашуваа но во исто време и одговараа на поставени прашања од двете професорки.

– На учениците им го преставив начинот на предавање кои го изведуваме во гимназијата, како ние одржуваме часови, со кои материјал би се сретнале воколку одлучат да го продолжат образованието. Во моментов разговараме за табеларниот пресметувач, за неговата практична примена и изведбени активности. Тоа е нешто што учениците го учеле а јас сакам да им појаснам за градивото со кое ќе се надоградуваат во гимназиското образование. Задоволна сум од нивните првични реакции бидејки голем дел од нив покажаа дека сакаат да го продолжат образованието во нашата гимназија, рече Саздова.

Професорката која во изминатите години, на овие  ученици, им предавала информатика рече дека е задоволна од покажаното знаење.

– Мислам дека имаат основа. Во шесто одделение ние работевме дел од материјалот кој се изучува во прва година во гимназија. Исто така и во седмо одделение се изучува предметот информатика и ние веќе учевме за word, eksel i pauer poind.  Колешката сега им презентира што тие понатаму ќе изучуваат кога се во прашање овие компјутерски програми во средно образование,“ рече Ржарова.

Ова беше само еден час на кој денеска професори од гимназијата го преставија своето училиште и наставната програма која се изучува во гимназиското образование. Исто како професор Саздова и останатите нејзини колеги, од другите гимназиски насоки, одржаа часови со учениците во „Блаже Конески“. Директорот на велешката Гимназија, Сашко Андреевски  вели дека на овој начин сакаат што подобро да ги запознаат учениците од основните училишта со предностите на образованието кое можат да го стекнат во ова средно училиште во градот.

– Секако ова е нов начин на презентирање пред потенцијалните гимназијалци. Како колектив сметаме дека ова е изворно преставување на наставата што ние ја изведуваме во нашата гимназија и секако квалитетот кој го поседува кадарот.  Сакаме да не видат учениците и да сватат дека ние сме само малку поразлични од нивните професори и подготвени да ги превземеме и да им понудиме квалитетно образование. Задоволен сум од одзивот на учениците. Затоа наредната недела за нив, професорите од Гимназијата, уште еднаш ќе одржат часови и секако секаде каде што ќе биде пројавен интерес. На часот по хемија ќе изведат експерименти, на информатика ке зборуваат за компјутерските јазици, на географија и историја за се она што учениците сакаат да дознаат, рече Андреевски.

Професорите од Гимназијата вчера предаваа во ООУ „Васил Главинов“, денеска во ООУ „Блаже Конески“ а утре ќе бидат во ООУ „ Јордан Хаџи Константинов Џинот“.