Полицијата осомничи тројца работници на јавното комунално претпријатие за проневера со погребална опрема
По пријава на Јавното комунално претпријатие Дервен тројца вработени во него на возраст од 55 до 65 години, заработија кривична пријава оти продавале погребална опрема и парите од прометот си ги присвоиле. Комуналното претпријатие го оштетиле за триесет илјади евра.
Кривичното дело го сториле во 2012 година, а претпријатието делото го открило минатиот месец.
„Секторот за внатрешни работи Велес во соработка со Основно јавно обвинителство Велес поднесе кривична пријава против лицата И.Б.(65) , Ќ.Н.(55) и Љ.В.(57) сите од Велес, поради основи за сомнение дека првопријавениот сторил кривично дело „проневера во службата“ и „фалсификување или уништување деловни книги“ а второ и трето пријавените сториле кривично дело „несовесно работење“ и „фаслификување или уништување деловни книги“, рече Анита Стојковска, портпарол на СВР Велес.
Сега пензионираниот шеесет и пет годишен велешанец како продавач во претпријатието ја продавал погребната опрема и парите наместо во касата ги ставал во џеб. Другите двајца вработени пак кои биле на чело на пописната комисија повторно ги завеле пописните листи без да проверат и избројат што содржат. Сите тројца заработија пријави за сторени кривични дела./Д.С
![](https://duma.mk/wp-content/uploads/2021/05/SEMM.jpg)