Традиционалните велешки специјалитети промовирани на манифестацијата „Зелникот на баба“ во Пробиштип
Зелник, јајчаник, ѓозлеме, колпиде, штрудла со јаболка и уште многу други традиционални специјалитети подготвија жените од Организацијата на жени и пензионерките од Велес кои викендов беа гостинки на манифестацијата „Зелникот на баба“ што се одржа во Пробиштип.
Вкусно приготвените специјалитети и колачи се продадоа веднаш, а собраните средства беа отстапени на организатор Општина Пробиштип, која ќе ги намени за хумани цели.
Специјалитетите на жените пензионерки од Велес беа изложени на посебна маса и веднаш се потрошија. Заедно со пензионерките од Велес на оваа манифестација во Пробиштип учествуваа и жени поензионерки од Крива Паланка, Кратово, Неготино, Свети Николе и Куманово.
Хуманитарно – ревијалната манифестација „Зелникот на баба“ се одржува во трети пат во Пробиштип и има за цел да ја негува традицијата како и да помага на граѓани на кои им е потребна помош.
![](https://duma.mk/wp-content/uploads/2021/05/SEMM.jpg)