Велешки Црвен крст додели 18 хуманитарни пакети на социјално загрозени семејства
Објавено на 26 јануари, 2024 во 13:35
Со средствата собрани на хуманитарниот штанд кој беше поставен за време на одржувањето на „Новогодишниот базар“, велешки Црвен крст денеска, поделенија 18 хуманитарни пакети со прехранбени производи на лица и семејства со ниски примања во Велес и во околните населени места.
Од велешки Црвен крст соопштија дека оваа хуманитарна помош е донација од граѓаните на Велес и испратија голема благодарност до нив што секогаш ги поддржуваат и донираат.
Во реализација на сите активности, од собирање на средства, преку набавка на производи и нивна дистрибуција биле вклучени вкупно 16 волонтери, повеќето од Клубот на млади на Црвен крст Велес.
Дума.мк
Поврзано:
