Во велешка болница хоспитализирани 10 ковид пациенти

Десет пациенти позитивни на коронавирусот се лекуваат во велешка болница. Сите се хоспитализирани на Инфективно одделение, што значи дека нема пациенти позитивни на вирусот на невропсихијатрија и Интерно одделение.

Од болничките пациенти осум се потврдени позитивни додека двајца пациенти се со негативен тест но се задржани на болничко лекување.

-На кислородна поддршка се пет ковид пациенти. Во моментов во ЈЗУ Општа болница Велес има слободни 16 болнички кревети, соопшти портпаролката на велешка болница д-р Елена Левкова Ќулумова.

Во изминатите 24 часа на болничко лекување примени се двајца пациенти.

Стефани Манева