Визер од денеска со нови линии низ Европа
Објавено: 29 јуни, 2015, во 08:32 часот
Од денеска се воведуваат пет нови авиолинии од скопскиот аеродром. Нискобуџетната авиокомпанија Визер од денеска од аеродромот Александар Велики во Скопје воведува директни авиолинии до европските градови Барселона, Осло, Нирнберг, Хамбург и Фридихшафен и тоа два пати неделно.
Од охридскиот аеродром авиокомпанијата Визер од среда ќе лета за Базел, исто така два пати неделно.
И новите шест авиолинии Визер ги воведува со субвенции од македонската Влада, според договорот со Министерството за транспорт и врски.