Јанакиевски: На никој нема насилно да му биде одземен имот
На никој насилно нема да му биде одземен имот, а сите постапки кои ќе се преземат во врска со земјиштето во Љубаништа ќе бидат исклучиво согласно законските прописи, изјави денеска министерот за транспорт и врски Миле Јанакиески. Изјавата следи по реакцијата на митрополитот Дебарско-кичевски Тимотеј во која тој соопшти дека црковното земјиште во Љубаништа не е на продажба откако беше најавена инвестиција на „Сахар груп“.
– Согласно законот, туристичката развојна зона е од јавен интерес и кога некоја област се урбанизира за јавен интерес се води постапка за експропријација така што нема насилно на никого да му одземаме имот, туку при реализацијата на стратешките проекти како што се туристичка развојна зона, изградба на автопат, железничка пруга или гасовод, ќе ги почитуваме законските прописи во државата. Сите потстапки кои ќе се преземат ќе бидат исклучиво согласно законските прописи во Македонија, нагласи Јанакиески.
Министерот одговори на новинарско прашање и соопшти дека во постапка е процесот на урбанизација на земјиштето. Според јанакиевски прво треба да се види дали со опфатот ќе биде зафатено и земјиште на црквата.
– Прво треба да се определи опфатот, а потоа да видиме дали тој опфат ќе има земјиште на црквата или не. Доколку има земјиште на црквата ќе ги почитуваме сите законски прописи и на никој нема да му биде одземен имот како што и досега оваа Влада нема одземено имот, без да се даде определен надомест, рече министерот за транспорт и врски Миле Јанакиески.
![](https://duma.mk/wp-content/uploads/2021/05/SEMM.jpg)