Денес и утре до +40, в недела освежување
Објавено: 30 јули, 2020, во 08:12 часот
30.07.2020
Под влијание на многу топла воздушна маса времето денеска и утре ќе биде сончево и многу топло. Максималните температури, според УХМР, насекаде ќе бидат над 30 степени, а во југоисточните делови од земјава ќе достигнат и до 40 степени.
В сабота ќе има зголемена облачност и ќе има услови за локална нестабилност со краткотраен пороен дожд и грмежи, а од недела ќе настапи повторно стабилизирање на времето.
В недела се очекува максимална температура за пет-шест степени пониска од денешната.
