Променливо облачно со врнежи од дожд
Објавено: 16 октомври, 2020, во 07:50 часот
16.10.2020
Времето во земјава ќе биде променливо облачно со врнежи од дожд, кои најдолго ќе се задржат во источните делови каде на места ќе бидат поројни и проследени со грмежи.
Во останатите подрачја се очекува врнежите да престанат до пладне или рано попладне, но преку целиот ден на повеќето места ќе има зголемена облачност. Ќе дува умерен, а во источните делови засилен јужен ветер.
Утринската температура ќе се движи од 8 до 14, а дневната од 17 до 24 степени.
Во Куманово и околината денеска ќе имаме облачно време со врнежи од дожд и услови за појава на грмотевици. Максималната температура ќе достигне 18 степени целзиусови.
Од сабота следува период на стабилно време, освен во недела во западните делови каде е можен слаб локален дожд. Ноќите ќе бидат студени, а дневната температура до понеделник ќе биде во опаѓање, а потоа ќе расте.
