Даниловски: Славите ќе донесат нови ризици, пандемијата ги потенцираше сите недостатоци

01.12.2020

Епидемиологот Драган Даниловски во денешното гостување во Студио 10 на ТВ 24 упати апел кон граѓаните во пресрет на славите, да ги почитуваат мерките за заштита, за да не скокне повторно бројката на заразени од корона вирусот.

„Стагнира бројот на хоспитализирани, претрупување на здравствениот систем не ни се заканува, но прашање е до кога тоа ќе е така. Се надевам дека од средината на декември ќе има значаен тренд на опаѓање на бројките. Народот кај нас е тој што е, постои отсуство на совест, на сочувство. Имам впечаток дека контролата на протоколите не се извршува, сведоци сме на собиранки, полни кафулиња, не може преку ноќ да се смени кај младите луѓе, долгорочен проблем. Се плашам дека тоа што следуваат славите ќе донесе нови ризици, апелирам тие чествувања да бидат со високо ниво на свест, но и црковните влати повикаа дека во црква треба да се влезе со маска. 846 умрени на 1 милиони жители е денешната бројка, но тој просек ќе се одржува сигурно до крајот на декември. Се прашуваме дали можеме нешто дополнително да сториме за тој број да се намали, и на позитивни, и на починати“, посочи Даниловски.

Даниловски истакна дека народот кај нас во просек исто како и во други земји има менталитет со отсуство на емпатија, сочувство и совест. Во изминатиот период, и покрај мерките на сила имамве впечаток дека нивната контрола не се изведува адекватно. Полни кафулиња, собири, гужви, тоа е нешто што не може преку ноќ да се смени во свеста на младите луѓе.

Мите Јаначков