Падобранци на НАТО предводени од Обединетото Кралство ќе спроведуваат обука во Северна Македонија
![](https://duma.mk/wp-content/uploads/2022/05/Britanska1-sologo.png)
Од 24 март, војнициод осум земји на НАТО почнаа да пристигнуваат во Северна Македонија за вежбата БРЗ ОДГОВОР 22 [SWIFT RESPONSE 22]; вежба на сојузничките воздухопловно-десантни сили, што е дел од пошироката серија вежби кои се одржуваат низ цела источна Европа.
1.800 падобранци од 16-та воздухопловна јуришна бригада на Обединетото Кралство пристигнаа во Северна Македонија за да одржат обука заедно со седум други земји на НАТО, вклучително и силите од Северна Македонија на четири различни локации низ земјата.
Во текот на следните недели 2.700 војници од Албанија, Франција, Грција, Италија, Северна Македонија, Црна Гора, Обединетото Кралство и САД ќе спроведат обуки, вклучително и обука со боево гаѓање, како и дневни и ноќни скокови со падобран. На обуката ќе се демонстрира способноста на земјите-членки на НАТО да се распоредат насекаде низ светот и способноста на нивните војници да работат заедно професионално и успешно. Оваа годишна вежба, која годинава се случува во Северна Македонија, е клучен придонес за европската безбедност, која има за цел да испорача сили со висока готовност во низа улоги, да го зголеми го капацитетот и да ги дополни НАТО и другите европски и глобални безбедносни аранжмани.
![](https://duma.mk/wp-content/uploads/2022/05/Britanska2-sologo.png)
Распоредена е 16-та воздушна јуришна бригада со 1.800 војници – падобранци, инженери, артилерија, логистичари, медицински лица, воено разузнавање, специјалисти за комуникации, армиски воздухопловен корпус, кралски воздухопловни сили, механичари и специјалисти за уништување на експлозивни убојни средства. Бригадата се распоредува во вежби и операции на глобално ниво со сите возила и опрема потребни за самоодржливост, вклучувајќи хеликоптери, теренски транспортери на тркала и гасеничари, артилериски пушки и мноштво логистички и инженерски возила.
Командантот на кралските инженерски падобранци, потполковник Џек Кросли, е во Северна Македонија од 24 март. Тој го надгледуваше движењето на бригадата од Обединетото Кралство кон Северна Македонија. Потполковник Кросли истакна: „Движењето на речиси 2000 британски војници и сите возила и опрема што доаѓаат со една бригада низ Европа и во Северна Македонија беше огромна задача, која немаше да можеме да ја направиме толку ефикасно без поддршката на Владата на Северна Македонија и вооружените сили.”
![](https://duma.mk/wp-content/uploads/2022/05/Britanska3-sologo.png)
Потполковникот Џек Кросли продолжи,“Имавме исклучително топло добредојде и сега се сместивме и сме подготвени да ја започнеме главната вежба со војниците од Северна Македонија и шест други партнерски земји“.
![](https://duma.mk/wp-content/uploads/2021/05/SEMM.jpg)