Сончево време со мала до умерена локална облачност

Времето денеска ќе биде сончево со мала до умерена локална облачност. Ќе дува слаб до умерен ветер од северен правец.

Минималната температура ќе биде во интервал од 11 до 20, а максималната ќе достигне од 31 до 38 степени. УВ=8

Во Скопје и околината сончево со мала облачност и со слаб северен ветер.

Минималната температура ќе се спушти до 17, а максималната ќе достигне до 37 степени.

В сабота ќе се задржи многу топло време со пораст на дневните температури.

Од недела во попладневните и вечерните часови ќе има развој на локална нестабилност со пороен дожд, грмежи и засилен ветер. В недела ќе дува засилен североисточен ветер, што ќе предизвика пад на температурата од 2 до 4 степени.