Хаџиќ последен во Хаг: Го слуша обвинението!
Објавено на 17 октомври, 2012 во 15:31
Хашкиот трибунал денеска почна да му суди на лидерот на Хрватските Срби, Горан Хаџиќ. Тој е обвинет за злосторства против човештвото во Хрватска од јуни 1991 до декември 1993 година, јави Радио Слободна Европа. Хаџиќ беше уапсен минатата година, а при првото појавување пред Хашкиот трибунал се изјасни дека не бил виновен ниту по една точка од обвинението.
Тоа е последно судење во Хаг, каде што во тек се уште две важни судења: против Радован Караџиќ и против Ратко Младиќ кои, меѓу другото, се товарат и за геноцид за време на војната во Босна и Херцеговина. Судењето започна со воведното обраќање на обвинителството против Хаџиќ.
