Ховит: Македонија треба да добие датум за преговори!
Објавено на 2 декември, 2012 во 12:48
Британскиот европратеник и известувач за Македонија во Европскиот парламент Ричард Ховит соопшти личен став дека сè уште не е сигурен дека ќе биде договорен датум, но и дека е убеден оти Македонија треба да ги почне преговорите за членство во ЕУ. Интервјуто со Ховит го објави програмата „Порта“ на сателитскиот канал на МТВ.
„Ќе работам, до последната минута од последниот час за да се добие одлука која или ќе одреди датум за преговорите или ќе даде решителен и неповратен чекор кон одредување на датум за преговори“, рече Ховит.
