Српската агенција Танјуг ќе се приватизира!
Објавено: 1 март, 2013, во 23:30 часот
Според новиот закон за информирање во Србија, на почетокот на 2014 година е предвидена приватизацијата на агенцијата Танјуг, пренесува Нов Магазин.
Помошник министерот за култура и информирање на Србија, задолжен за медиуми, Драган Коларевиќ изјавил дека Танјуг ќе биде приватизиран според Законот за приватизација. Во исто време државата ќе запре да ги финансира и јавните гласила.
„Засега, според законот, на средината на 2014 година е планирано целосното запирање на финансирањето на Танјуг од буџетот на државата“, рекол Коларевиќ./Б.Н.Т