Лабораториски анализи: Вакцините на Фајзер и на Модерна штитат од новите мутации на коронавирусот
18.02.2021
– Новите лабораториски студии покажуваат дека вакцините на Фајзер и на Модерна штитат од нови мутации на коронавирусот, соопшти Си-Ен-Ен.
Резултатите од студијата објавена во New England Journal of Medicine откриваат дека вакцината на Фајзер за коронавирусот може да ги заштити луѓето од новите мутации на коронавирусот.
Студијата е спроведена од истражувачи од Фајзер и Универзитетот во Тексас.
Тие тестираа некои од мутациите во сојот Б.1.351. со примероци на крв од 15 лица кои примиле две дози на вакцина како дел од клиничко испитување.
Вакцината обезбедува помалку неутрализирачки антитела, но доволно за справување со вирусот, напишаа авторите во писмо до списанието. Ова е во согласност со други студии. Иако тие не знаат точно какво ниво на заштита обезбедува вакцината, тие веруваат дека ќе обезбеди релативно добра заштита од новата варијанта.