Боби Мојсовски обезбеди пласман во суперфиналето на Икс Фактор Адриа
Синоќешната полуфинална вечер на Икс Фактор Адриа беше уште едно изненадување за сите! Во вечерта на тема „Песна со посвета“ полуфиналистите одбраа песни кои им лежат на срце и со кои сметаа дека најубаво ќе се претстават себе си и ќе ги освојат гласовите за влез во суперфиналето на регионалното шоу.
„Counting Stars“ која Боби Мојсовски ја посвети на неговите родители, се покажа како добар потег. Со многу пофалби од жирито и доволно гласови од публиката тој си обезбеди место во Конбак арената следната недела.
Помалку среќни избори направија Антонио и Аднан и Тарик. Антонио излезе директно од натпреварувањето бидејќи доби најмала поддршка од публиката, а Аднан и Тарик се бореа наспроти Магдалена со песната за спас. Жирито, сепак, не можеше да одолее на неверојатниот вокал на Магдалена и се одлучи таа да застане во редот со суперфиналистите следната емисија.