Новогодишна бајка: Ѕирнете во украсениот дом на Јелена Карлеуша (видео)
Објавено: 21 декември, 2022, во 13:44 часот
Без разлика дали ја сакате или не, српската пејачка Јелена Карлеуша знае да го привлече вниманието на јавноста со нејзиниот раскошен животен стил и маркантната појава.
Со оглед на тоа што божиќните празници се сѐ поблиску, ѕвездата го претвори својот топол дом во вистинска новогодишна бајка за неа и нејзините две ќерки – 14-годишната Атина и 13-годишната Ника.
Годинава, Карлеуша се одлучила за златно-бели декорации, а нејзината елка во дневната соба изгледа како оние што ги гледаме во домовите на светските ѕвезди. Под елката има големи бели ирваси, подароци во бели кутии и неколку бели ангели.
Исто така, пејачката го украсила и дворот со внимателно одбрани детали, а на нејзината улица во отмената белградска населба Дедиње владее вистинска празнична идила.
Во продолжение, погледнете ги видеоснимките коишто таа ги објави како стории на нејзиниот инстаграм-профил.
Дума.мк
