Голем летен љубовен хороскоп: Што ве очекува на љубовен план ова лето?

Оваа летна сезона, на сите ќе ни биде потребна повеќе љубов. Од гледна точка на астрологијата, ова лето ќе нè натера да ги прифатиме нашите искрени желби и да излеземе надвор од зоната на комфорот. Еве што подготви летото за љубовните животи на секој астролошки знак.

Овен

Иако ова не е типично за неговата бурна природа, летово припадниците на овој хороскопски знак ќе сакаат нешто повеќе од страст во љубовниот живот. Во исто време, ќе бараат поголема возбуда, авантура, сериозни врски, но истовремено ќе сака да ја задржи и својата слобода. Токму летото и новата месечина што ќе се појави на 9 јули ќе ги охрабрат овните да преиспитаат што сакаат во нивните животи. Откако ќе си разјаснат што точно сакаат, ќе им биде полесно да ги препознаат додворувачите кои најмногу ќе ги има помеѓу 13 јули и 8 август.

Бик

Ова лето, Биковите ќе сакаат нешто повеќе од љубов – вистинско партнерство со личност со која ќе се поврзе на сите нивоа, подлабоко отколку што некогаш мислеле дека е можно. Тие секогаш сакаат романтичен допир во нивните животи, а не само минливи авантури. Бидејќи пријателството и взаемното почитување се темелот на вашата врска, ќе ви биде лесно да се предадете или да се посветите повторно на 13 јули, кога Венера и Марс ќе се обединат во Лав. Остатокот од летото ќе биде лесен, без големи турбуленции.

Близнаци

Крајот на ретроградниот Меркур на 22 јуни ја отвори вратата за нови врски. Близнаците се жедни за возбуда и сакаат да запознаваат интересни луѓе. Сега се подготвени да се фокусираат на она што навистина го сакаат и заслужуваат во врската. Досега се занимаваа со луѓе кои не им покажуваа почит, но летото изгледа многу ветувачко, далеку од лошите денови на кои тие беа сведоци веќе некое време. Бидејќи близнаците по природа се вистински социјални пеперутки, тешко дека некој ќе ги спречи да истражуваат и да се поврзуваат со луѓе.

Рак

За раковите, ова лето е во знакот на љубовта, но тие исто така ќе треба да знаат како да се ослободат од луѓето кои сакаат само да ги искористат, а од друга страна, и самите треба да престанат да манипулираат за да го добијат она што го сакаат. Раковите би можеле да почувствуваат силна потреба да ја контролираат својата врска, а можно е вакво нешто да дојде и од другата страна. Раковите се познати и како посветени и романтични, па штом ќе се за заљубат подготвени се на сè за да ја израдуваат својата друга половина.

Лав

На почетокот од летото, припадниците на овој хороскопски знак ќе го чуваат своето срце, а околу 13 јули, кога Венера и Марс ќе се во баланс, ќе започнат да запознаваат нови луѓе. Лавовите во моментов претрпуваат големи промени и се менува типот на личност за која мислеле дека ја бараат. Оваа година блескаат повеќе од кога било. Иако е лето и обично тоа е нивната омилена сезона, се чини дека оваа година има нешто посебно во воздухот. Лавовите бараат некого за кого ќе почувствуваат дека нивната љубов ги лекува, некој на кој можат да му веруваат и со кого можат да бидат ранливи.

Девица

Девиците ова лето ќе имаат многу да им раскажуваат на пријателите за нивната љубовна врска, особено околу 9 јули кога новата месечина ќе биде во Рак. На девиците подеднакво им се важни и пријателите и нивниот партнер, па кога нема единство меѓу двете страни, за нив е многу тешко. Сепак, ова лето, повеќе од кога било, треба да бидат претпазливи и внимателно да ги „извагаат“ страните.

Вага

Својот шарм Вагата ќе го достигне врвот на 27 јули, а потоа тие ќе сакаат да флертуваат со многу луѓе. Чувајте ги вашите опции отворени, пред да се „договорите“ со првата личност со која ќе кликнете. Ќе забележите дека има многу риби во морето и дека навистина можете да изберете. Ако сте сами, очекувајте промени околу 16 август.

Скорпија

Скорпиите ова лето нема да „ловат“, но подготвени се да ги покажат своите претходни улови на социјалните мрежи. По 19 август, таа врска, доколку се појави во текот на изминатите недели, ќе стане многу повеќе од романса заради ретроградниот Уран, што ќе ги принуди скорпиите да ги решат сите двоумења во таа врска. Ова лето, повеќе од кога било, тие се подготвени да работат на себе, ги забележуваат своите грешки, a за овој хороскопски знак е навистина тешко да си ги признае истите.

Стрелец

Стрелците ова лето ќе почувствуваат големо емоционално олеснување, а уште подлабоко ќе се смират на 7 јули кога Меркур ќе ја напушти својата пост-ретроградна сенка. Ќе исчезнат сите проблеми во врската, како и сите досадни поранешни кои се „појавиле“ во изминатите неколку месеци. Имено, изминатата година за многу припадници на овој хороскопски знак беше исклучително тешка во однос на љубовта.

Јарец

Летото ќе вроди со плод за сите оние јарци кои напорно работеа да пронајдат љубов. Сепак, ќе има неколку моменти кога врската ќе биде во голема искушение. Покрај тоа, Јарците се познати како најтврдокорните знаци на зодијакот, што многу често ги чини неуспешни врски. Тие никогаш не сакаат да се откажат, дури и кога тоа е на нивна штета.

Водолија

Водолиите премногу ја компромитираа нивната врска во минатото, а сега може да се почувствуваат како некој близок или сакан да не им ги возвраќа чувствата. Поврзувањето на Венера и Марс од 13 јули во гордиот Лав води кон сознание дека сте дале премногу и сте добиле премногу. Ова лето е време за разладување на вжештените чувства, кои ќе се појават по 23 јули.

Риби

Ако се чувствувате како штотуку да започнало ново поглавје од вашиот љубовен живот, во право сте. Тоа е моментот што го чекавте. Завесите се креваат и вие стапнувате на сцената. Од сите хороскопски знаци, вие сте едни од најсреќните ова лето. Без разлика дали сакате да ја пронајдете својта сродна душа, да се за заљубите или само да флертувате, ѕвездите се на ваша страна. Врската меѓу Венера и Марс, на 13 јули ќе ги мотивира Рибите искрено да зборуваат за своите чувства и за тоа што го сакаат со своите симпатии или со личноста со која се во врска веќе подолго време.