Грицки за во зима!

Зимата е период од годината кога има помал избор на свежо овошје.

Затоа, во зимскиот период, свежото овошје може да се замени со суво овошје, кое и исто така многу здраво, полно со витамини и со корисни влакна. Наместо нездрави грицки, редовно консумирајте семки од јатчесто овошје.

 

Суви кајсии

Сувите каjсии, посебно се препорачуваат за лицата кои редовно спортуваат. Зошто?

Сувите кајсии содржат голема количина на калиум (1.600 mg. на 100 gr.), кој е многу важен минерал за нормално функционирање на мускулите. Порција од 5 суви кајасии покрива 20% од дневните потреби за калиум и дел од дневните потреби за железо. Пред спортување, земете 4 до 5 суви кајсии.

Еден совет плус: Јадете ги сувите кајсии во комбинација со портокал или киви, бидејќи витаминот Ц, кој го содржат овие овоштија, ја олеснува апсорпцијата на железото во организмот.

Лешници и бадеми

Се препорачуваат за лицата со чувствително здравје. Зошто?

Семките од овие јатчести овоштија содржат многу антивоспалителни состојки, влакна и антиоксиданси кои се неопходни за одржување на здравјето кај човекот. Тие го закајнуваат природниот имунитет кај човекот. Состојките во семките на лешникот и бадемот го намалуваат крвниот притисок и делуваат поволно на работата на срцето.

Срцевите заболувања се многу често поврзани со неправилната исхрана и пореметениот метаболизам, па на срцевите болни често им се препорачува правилна исхрана богата со здрави масти, какви најчесто се наоѓаат во спомнативе јатчести овоштија.

Лешникот содржи киселина која делува против „лошиот“ холестерол и го намалува ризикот од кардиоваскуларни заболувања.

Се препорачува да се консумира една шака лешници, три пати неделно.Бадемот е богат со витамин Е, кој како антиоксиданс делува против слободните радикали и е многу ефикасен во превенцијата од инфекции. Можете, исто така, да јадете и 5 до 6 бадеми дневно (80 грама).

Суво грозје и костени

Се препорачуваат како ужина меѓу главните оброци. Зошто?

Фруктозата и гликозата од сувото грозје ќе ви помогне полесно да го издржите физичкиот и металниот напор. Една шака суво грозје ќе ве засити и нема да чувствувате глад.

Совет плус: Ако силно огладнете во паузата помеѓу двата оброка, земете костени. Костенот содржи еднаква количина на сложени шеќери како и компирот (38%) и е многу подобар избор од било какви слатки и десерти.

Суви сливи и смокви

Се препорачуваат ако држите диета. Зошто?

Сувите сливи и смокви се богати со влакна, па затоа тие го регулираат варењето на храната. Консумирање на 3 или 4 суви сливи наутро, пред доручек, ќе го забрза и олесни варењето на храната.

Совет плус: Во случај да почувствувате силна глад, земете две до три суви смокви. Тие се богати со магнезиум, влакна и се помалку калорични од другото суво овошје. Така, во 100 грама суви смокви има 235 килокалории.

Ореви

Се препорачуват ако сме под стрес. Зошто?

Оревите се богати со магнезиум (130 mg. на 100 gr.), што е третина од дневните потреби за магнезиум. Оревите допринесуваат за стабилизирање на нервниот систем. Се препорачува да јадеме по пет крупни ореви, три пати неделно.

Совет плус: навечер, за да можете полесно да заспиете, земете две сушени банани (90 mg. магнезиум на 100 gr.) и шолја млеко.