Ротаријанците од Кавадарци донираа медицинска опрема!

Медицинска опрема во вредност од 310.000 денари денеска ротари клуб Кавадарци донира во кавадаречката болница. Опремата се состои од два монитора за следење на виталните функции на пациентите и две инфузиони пумпи.

По еден од двата апарати ќе се распределат на гинеколошко-акушерското и на хируршкото одделение.

Претседателот на Ротари клубот, Герасим Кујунџиев, рече дека подршката во заедницата ја продолжуваат и годинава. Немало да се заврши се` со оваа донација.

„Тое е проектот кој што започна во декември минатата гоидина. Сите средства што беа собрани во таа акција се употребени за купување на четири апарати. Средствата беа собрани од пријателите на Ротари клуб, на донаторската вечер и од чланарина. Продолжуваме да донираме и се надеваме дека опремата ќе помогне за подобри услуги во болницата. Им се заблагодарувам на сите што донираа свои средства. И годинава ќе бидеме присутни со донација во заедницата“ рече Кујунџиев.

Началникот на гинекологија, д-р Бранко Поповски се заблагодари за донацијата и рече дека овие апарати ќе им помогнат во работењето./ А.Д