Мотоциклист тешко повреден во сообраќајка во Кавадарци
Објавено: 18 јуни, 2025, во 12:36 часот
Ноќеска, десет минути по полноќ во Кавадарци се случила тешка сообраќајна несреќа во која бил тешко повреден мотоциклист.
Како што информира МВР, несреќата била пријавена во ОВР Кавадарци, а се случила на крстосницата меѓу булеварите „Никола Минчев“ и „Македонија“. Во несреќата учествувале патничко возило марка „Хјундаи“ со скопски регистарски ознаки, управувано од 31-годишниот С.Т. од Кавадарци и мотоцикл „Сузуки“ со кавадаречки регистарски таблички, управуван од 29-годишниот Г.И. од селото Дреново.
Во сударот, со тешки телесни повреди се здобил мотоциклистот кој бил пренесен и хоспитализиран во Општата болница во Кавадарци каде што му биле констатирани повредите.
На местото на несреќата извршен бил увид од страна на увидна екипа од ОВР Кавадарци, а причините за несреќата се предмет на понатамошна истрага.
Дума.мк
